ക്രിസ്തുവിൽ പ്രിയരേ,
മോശെയുടെ ന്യായപ്രമാണത്തിലെ ആചാരപരമായ ഭാഗങ്ങൾ മാത്രം എടുത്തുമാറ്റപ്പെട്ടു (ഒഴിഞ്ഞുപോയി), ബാക്കിയുള്ളവ ഇപ്പോഴും പ്രാബല്യത്തിലുണ്ട് എന്ന് ശഠിക്കുന്നവരാണ് ഭൂരിഭാഗം ക്രൈസ്തവരും. ആചാരപരമായ ഭാഗങ്ങൾ എന്നതിലൂടെ അവർ അർത്ഥമാക്കുന്നത് ബലികൾ, പൌരോഹിത്യം, ചേലാകർമ്മം മുതലായവയെയാണ്.
മോശെയുടെ ന്യായപ്രമാണത്തിലെ സാന്മാർഗ്ഗിക നിയമങ്ങൾ ഒഴിഞ്ഞുപോയിട്ടില്ല വാദിക്കുന്നവരെ നേരിടുവാനുള്ള എളുപ്പവഴി: “കല്യാണപ്പിറ്റേന്ന് നിങ്ങളുടെ മരുമകൻ നിങ്ങളുടെ അടുത്തുവന്ന് നിങ്ങളുടെ മകൾ കന്യകയായിരുന്നില്ല എന്ന് പരാതിപ്പെടുകയും, അവളുടെ കന്യകാത്വം നിങ്ങളെക്കൊണ്ട് തെളിയിക്കുവാൻ കഴിയാതിരിക്കുകയും ചെയ്താൽ, അവളെ കല്ലെറിഞ്ഞ് കൊല്ലുവാൻ നിങ്ങൾ കൂട്ടുനിൽക്കുമോ?” എന്ന് ചോദിക്കുക. ബുദ്ധിസ്ഥിരതയുള്ള ആരും അത്തരം ഒരു കൃത്യത്തിന് കൂട്ടുനിൽക്കില്ല, കാരണം, കൂട്ടുനിന്നാൽ ഇന്ത്യൻ ശിക്ഷാനിയമം 300, 302, 304, 307 എന്നീ വകുപ്പുകളും, അനേകം ഉപവകുപ്പുകളും പ്രകാരം കുറ്റം ആരോപിക്കപ്പെട്ട് അകത്തുകിടന്ന് അഴിയെണ്ണുകയും, ഗോതമ്പുണ്ട തിന്നുകയും ചെയ്യേണ്ടിവരും. മോശെയുടെ ന്യായപ്രമാണം ഇപ്പോഴും പ്രാബല്യത്തിലുണ്ടെങ്കിൽ അവർ എന്തുകൊണ്ട് ന്യായപ്രമാണം അനുശാസിക്കുന്നത് പോലെ ചെയ്യുന്നില്ല? (ആവ. 22:13-23)
നിങ്ങളുടെ അയൽവാസിയുടെ നിയന്ത്രണമില്ലാത്ത കാളയോ മൂരിയോ നിങ്ങളുടെ കൃഷിയിടത്തിൽ കയറി നാശനഷ്ടങ്ങൾ ഉണ്ടാക്കിയാൽ, അതിൻറെ ഉടമയായ നിങ്ങളുടെ അയൽവാസിയെ കൊല്ലുവാൻ നിങ്ങൾ കൂടുകയില്ലെങ്കിൽ, മോശെയുടെ ന്യായപ്രമാണത്തിലെ പൌരനിയമങ്ങൾ ഒഴിഞ്ഞുപോയി എന്ന് നിങ്ങൾ അംഗീകരിക്കുന്നു. (പുറ 21:29)
ന്യായപ്രമാണം ഒഴിഞ്ഞുപോയില്ല എന്ന് ശഠിക്കുന്ന ഭൂരിപക്ഷം പേരും പന്നിയിറച്ചി യഥേഷ്ടം കഴിക്കാറുണ്ട് എന്നത് സത്യം. പന്നിയിറച്ചി കഴിക്കാത്തവരും ശനിയാഴ്ച സഭ കൂടിവരുന്നവരുമായ പല ക്രൈസ്തവ വിഭാഗങ്ങളും ചേലാകർമ്മം ഏൽക്കാറില്ല എന്നത് അവർ ന്യായപ്രമാണം പാലിക്കുന്നില്ല എന്നതിൻറെ തെളിവാണ്.
ബലികൾ, പൌരോഹിത്യം, ചേലാകർമ്മം, സാന്മാർഗ്ഗിക നിയമങ്ങൾ, പൊതു നിയമങ്ങൾ, ആഹാരപരമായ നിയന്ത്രണങ്ങൾ എല്ലാം ഒഴിഞ്ഞുപോയി. ഇനി എന്തുണ്ട് ബാക്കി?
ഇത്തരം ബാലിശമായ ചോദ്യങ്ങൾ ചോദിക്കുവാനുള്ള താങ്കളുടെ കഴിവിനെ ആദ്യം തന്നെ അനുമോദിക്കട്ടെ.
ന്യായപ്രമാണം ഒഴിഞ്ഞുപോയിട്ടില്ല എന്ന് വാദിക്കുന്ന ക്രൈസ്തവർ അധികമുള്ള അമേരിക്കയിൽ 100,000 പേർക്ക് 16.3 എന്ന ക്രമത്തിൽ കൊലപാതങ്ങൾ നടക്കുമ്പോൾ, ലോകജനസംഖ്യയുടെ 60.02% ജനങ്ങളും ജീവിക്കുന്ന ഏഷ്യയിൽ, ക്രൈസ്തവരും വേദപുസ്തകത്തിൻറെ സാന്നിദ്ധ്യവും നാമമാത്രമായിരുന്നിട്ടും, 100,000 പേർക്ക് 2.9 എന്ന ക്രമത്തിലേ കൊലപാതങ്ങൾ നടക്കുന്നുള്ളൂ എന്നത് ശ്രദ്ധിക്കുക. ക്രൈസ്തവ ഭൂരിപക്ഷമുള്ള ആസ്ട്രേലിയയിലും, അമേരിക്കയിലും 100,000 സ്ത്രീകളിൽ 28.6 പേരും, സ്വീഡനിൽ 66.5 പേരും ബലാൽസംഗം ചെയ്യപ്പെടുമ്പോൾ, ക്രൈസ്തവർ ന്യൂനപക്ഷമായ ഇന്ത്യയിൽ 100,000 സ്ത്രീകളിൽ 1.8 പേർ മാത്രമേ ബലാൽസംഗം ചെയ്യപ്പെടുന്നുള്ളൂ. മോശെയുടെ ന്യായപ്രമാണം കുറ്റകൃത്യങ്ങൾ ചെയ്യുന്നതിൽ നിന്നും ജനങ്ങളെ തടയുമായിരുന്നെങ്കിൽ ക്രൈസ്തവ ഭൂരിപക്ഷമുള്ള രാജ്യങ്ങൾ സമാധാനത്തിൻറെ വിളനിലമാകുമായിരുന്നു.
ഞാൻ ഈ ചോദ്യത്തിനായി കാത്തിരിക്കുകയായിരുന്നില്ലേ? ഇതാ നിങ്ങൾ മനസ്സിൽ ഉദ്ദേശിക്കുന്ന ആ വചനം:
ഇവിടെ വള്ളി എന്ന് പരിഭാഷപ്പെടുത്തിയിരിക്കുന്ന ഗ്രീക്ക് വാക്ക് ἰῶτα ആണ് (അയോട്ട, ee-o'-tah, സ്ട്രോങ്സ് നിഘണ്ടുവിൽ G2503). ഈ വാക്ക് ഹീബ്രു അക്ഷരമാലയിലെ പത്താമത്തെ അക്ഷരമായ യോദിനെയാണ് (י) സൂചിപ്പിക്കുന്നത്. ഈ അക്ഷരം ഇല്ലാതെ യഹോവ (יהוה) എന്ന് പോലും എഴുതുവാൻ കഴിയില്ല. പുള്ളി എന്ന് പരിഭാഷപ്പെടുത്തിയിരിക്കുന്നത് κεραία (കെരായ, ker-ah'-yah, സ്ട്രോങ്സ് നിഘണ്ടുവിൽ G2762). ഈ വാക്ക് അക്ഷരങ്ങളുടെ വാലുകളെയാണ് സൂചിപ്പിക്കുന്നത് - ൾ, ശ എന്നീ അക്ഷരങ്ങളെ വ്യത്യസ്തങ്ങളാക്കുന്നത് ൾ എന്ന അക്ഷരത്തിൻറെ മുകളിലെ വാലാണല്ലോ? അതുപോലെ ഹീബ്രുവിലെ ബേത് (ב) കാഫ് (כ) എന്നീ അക്ഷരങ്ങളെ വ്യത്യസ്തങ്ങളാക്കുന്നത് ബേതിൻറെ ചുവട്ടിലെ വാലാണ്. (ചിത്രം കാണുക.)
ന്യായപ്രമാണത്തിൽ 613 കൽപനകളുണ്ട്.
ന്യായപ്രമാണം പൂർണ്ണമായും നിവൃത്തിയാകുന്നത് വരെ അതിൽനിന്നും ഒരു വള്ളിയോ, പുള്ളിയോ ഒഴിഞ്ഞുപോകുകയില്ല എന്നാണ് യേശു പറഞ്ഞത്. 83.2% വെറും വള്ളിയോ, പുള്ളിയോ ആണോ? ക്രിസ്തുവിൽ പ്രിയരേ, നിസ്സാരമായ വള്ളിയും പുള്ളിയും പോലും ഒഴിഞ്ഞുപോവില്ല എന്ന് യേശു പറഞ്ഞു, പക്ഷേ, ഭീമഭാഗവും ഒഴിഞ്ഞുപോയിരിക്കുന്നു എന്ന് ന്യായപ്രമാണത്തിൻറെ വക്താക്കൾ തന്നെ അംഗീകരിക്കുമ്പോൾ ന്യായപ്രമാണം നിവൃത്തിയായി, ഒഴിഞ്ഞുപോയി എന്നതിൽ സംശയമേ വേണ്ട. ദൈവം ഒന്നേയുള്ളൂ എന്നതുപോലെയുള്ള കൽപനകൾ മാത്രം ഒരിക്കലും ഒഴിഞ്ഞുപോവില്ല.
മത്താ 5:18ൽ ന്യായപ്രമാണം ഒഴിഞ്ഞുപോകുന്നതിന് മുമ്പ് എന്തെല്ലാം സംഭവിക്കണം എന്ന് പറഞ്ഞ യേശു, അതിന് മുമ്പ് പറഞ്ഞ കാര്യങ്ങൾ ആരും പരിഗണിക്കാറില്ല:
എന്തേ, വിശ്വാസം വരുന്നില്ലേ? ഈ വേദഭാഗം മനസ്സിരുത്തി വായിച്ചോളൂ:
ആകാശവും ഭൂമിയും യഹോവ മോശെ വഴിയായി നൽകിയ ചട്ടങ്ങളും വിധികളുമാണെന്ന് ആവ 4:5, ആവ 4:26 എന്നീ വചനങ്ങൾ ചേർത്തുവായിച്ചാൽ മനസ്സിലാകും.
യഹോവയുടെ കല്പനകളും ചട്ടങ്ങളും വിധികളുമാണ് ആകാശവും ഭൂമിയുമെന്ന് ആവ 30:16, ആവ 30:19 എന്നീ വചനങ്ങൾ ചേർത്തുവായിച്ചാൽ മനസ്സിലാകും.
ഉള്ളത് പറഞ്ഞാൽ മുട്ടായുക്തികൾ എനിക്കും ഇഷ്ടമാണ്, അതുകൊണ്ടുതന്നെ “ആദിയിൽ ദൈവം ആകാശവും ഭൂമിയും സൃഷ്ടിച്ചു” എന്ന് എഴുതപ്പെട്ടിരിക്കുന്നതിന് “ആദിയിൽ ദൈവം ന്യായപ്രമാണം സൃഷ്ടിച്ചു” എന്നാണോ അർത്ഥം എന്ന് ആരെങ്കിലും ചോദിച്ചാൽ ഉത്തരം പറയുവാൻ ഞാൻ എന്നെത്തന്നെ സജ്ജനാക്കുകയാണ്. ചോദ്യം വരട്ടെ, അപ്പോൾ കാണാം.
മോശെയുടെ ന്യായപ്രമാണത്തിലെ ആചാരപരമായ ഭാഗങ്ങൾ മാത്രം എടുത്തുമാറ്റപ്പെട്ടു (ഒഴിഞ്ഞുപോയി), ബാക്കിയുള്ളവ ഇപ്പോഴും പ്രാബല്യത്തിലുണ്ട് എന്ന് ശഠിക്കുന്നവരാണ് ഭൂരിഭാഗം ക്രൈസ്തവരും. ആചാരപരമായ ഭാഗങ്ങൾ എന്നതിലൂടെ അവർ അർത്ഥമാക്കുന്നത് ബലികൾ, പൌരോഹിത്യം, ചേലാകർമ്മം മുതലായവയെയാണ്.
സാന്മാർഗ്ഗിക നിയമങ്ങൾ (Moral Laws):
മോശെയുടെ ന്യായപ്രമാണത്തിലെ സാന്മാർഗ്ഗിക നിയമങ്ങൾ ഒഴിഞ്ഞുപോയിട്ടില്ല വാദിക്കുന്നവരെ നേരിടുവാനുള്ള എളുപ്പവഴി: “കല്യാണപ്പിറ്റേന്ന് നിങ്ങളുടെ മരുമകൻ നിങ്ങളുടെ അടുത്തുവന്ന് നിങ്ങളുടെ മകൾ കന്യകയായിരുന്നില്ല എന്ന് പരാതിപ്പെടുകയും, അവളുടെ കന്യകാത്വം നിങ്ങളെക്കൊണ്ട് തെളിയിക്കുവാൻ കഴിയാതിരിക്കുകയും ചെയ്താൽ, അവളെ കല്ലെറിഞ്ഞ് കൊല്ലുവാൻ നിങ്ങൾ കൂട്ടുനിൽക്കുമോ?” എന്ന് ചോദിക്കുക. ബുദ്ധിസ്ഥിരതയുള്ള ആരും അത്തരം ഒരു കൃത്യത്തിന് കൂട്ടുനിൽക്കില്ല, കാരണം, കൂട്ടുനിന്നാൽ ഇന്ത്യൻ ശിക്ഷാനിയമം 300, 302, 304, 307 എന്നീ വകുപ്പുകളും, അനേകം ഉപവകുപ്പുകളും പ്രകാരം കുറ്റം ആരോപിക്കപ്പെട്ട് അകത്തുകിടന്ന് അഴിയെണ്ണുകയും, ഗോതമ്പുണ്ട തിന്നുകയും ചെയ്യേണ്ടിവരും. മോശെയുടെ ന്യായപ്രമാണം ഇപ്പോഴും പ്രാബല്യത്തിലുണ്ടെങ്കിൽ അവർ എന്തുകൊണ്ട് ന്യായപ്രമാണം അനുശാസിക്കുന്നത് പോലെ ചെയ്യുന്നില്ല? (ആവ. 22:13-23)
പൊതു നിയമങ്ങൾ (Civil Laws):
നിങ്ങളുടെ അയൽവാസിയുടെ നിയന്ത്രണമില്ലാത്ത കാളയോ മൂരിയോ നിങ്ങളുടെ കൃഷിയിടത്തിൽ കയറി നാശനഷ്ടങ്ങൾ ഉണ്ടാക്കിയാൽ, അതിൻറെ ഉടമയായ നിങ്ങളുടെ അയൽവാസിയെ കൊല്ലുവാൻ നിങ്ങൾ കൂടുകയില്ലെങ്കിൽ, മോശെയുടെ ന്യായപ്രമാണത്തിലെ പൌരനിയമങ്ങൾ ഒഴിഞ്ഞുപോയി എന്ന് നിങ്ങൾ അംഗീകരിക്കുന്നു. (പുറ 21:29)
ആഹാരപരമായ നിയന്ത്രണങ്ങൾ (Dietary Restrictions):
ന്യായപ്രമാണം ഒഴിഞ്ഞുപോയില്ല എന്ന് ശഠിക്കുന്ന ഭൂരിപക്ഷം പേരും പന്നിയിറച്ചി യഥേഷ്ടം കഴിക്കാറുണ്ട് എന്നത് സത്യം. പന്നിയിറച്ചി കഴിക്കാത്തവരും ശനിയാഴ്ച സഭ കൂടിവരുന്നവരുമായ പല ക്രൈസ്തവ വിഭാഗങ്ങളും ചേലാകർമ്മം ഏൽക്കാറില്ല എന്നത് അവർ ന്യായപ്രമാണം പാലിക്കുന്നില്ല എന്നതിൻറെ തെളിവാണ്.
മോശെയുടെ ന്യായപ്രമാണത്തിൽ എന്തുണ്ട് ബാക്കി?
ബലികൾ, പൌരോഹിത്യം, ചേലാകർമ്മം, സാന്മാർഗ്ഗിക നിയമങ്ങൾ, പൊതു നിയമങ്ങൾ, ആഹാരപരമായ നിയന്ത്രണങ്ങൾ എല്ലാം ഒഴിഞ്ഞുപോയി. ഇനി എന്തുണ്ട് ബാക്കി?
അങ്ങനെയാണെങ്കിൽ ബലാൽസംഗം ചെയ്യാമോ? കൊല ചെയ്യാമോ?
ഇത്തരം ബാലിശമായ ചോദ്യങ്ങൾ ചോദിക്കുവാനുള്ള താങ്കളുടെ കഴിവിനെ ആദ്യം തന്നെ അനുമോദിക്കട്ടെ.
ന്യായപ്രമാണം ഒഴിഞ്ഞുപോയിട്ടില്ല എന്ന് വാദിക്കുന്ന ക്രൈസ്തവർ അധികമുള്ള അമേരിക്കയിൽ 100,000 പേർക്ക് 16.3 എന്ന ക്രമത്തിൽ കൊലപാതങ്ങൾ നടക്കുമ്പോൾ, ലോകജനസംഖ്യയുടെ 60.02% ജനങ്ങളും ജീവിക്കുന്ന ഏഷ്യയിൽ, ക്രൈസ്തവരും വേദപുസ്തകത്തിൻറെ സാന്നിദ്ധ്യവും നാമമാത്രമായിരുന്നിട്ടും, 100,000 പേർക്ക് 2.9 എന്ന ക്രമത്തിലേ കൊലപാതങ്ങൾ നടക്കുന്നുള്ളൂ എന്നത് ശ്രദ്ധിക്കുക. ക്രൈസ്തവ ഭൂരിപക്ഷമുള്ള ആസ്ട്രേലിയയിലും, അമേരിക്കയിലും 100,000 സ്ത്രീകളിൽ 28.6 പേരും, സ്വീഡനിൽ 66.5 പേരും ബലാൽസംഗം ചെയ്യപ്പെടുമ്പോൾ, ക്രൈസ്തവർ ന്യൂനപക്ഷമായ ഇന്ത്യയിൽ 100,000 സ്ത്രീകളിൽ 1.8 പേർ മാത്രമേ ബലാൽസംഗം ചെയ്യപ്പെടുന്നുള്ളൂ. മോശെയുടെ ന്യായപ്രമാണം കുറ്റകൃത്യങ്ങൾ ചെയ്യുന്നതിൽ നിന്നും ജനങ്ങളെ തടയുമായിരുന്നെങ്കിൽ ക്രൈസ്തവ ഭൂരിപക്ഷമുള്ള രാജ്യങ്ങൾ സമാധാനത്തിൻറെ വിളനിലമാകുമായിരുന്നു.
ന്യായപ്രമാണം ഒഴിഞ്ഞുപോയോ?
ഞാൻ ഈ ചോദ്യത്തിനായി കാത്തിരിക്കുകയായിരുന്നില്ലേ? ഇതാ നിങ്ങൾ മനസ്സിൽ ഉദ്ദേശിക്കുന്ന ആ വചനം:
മത്താ 5:18 സത്യമായി ഞാന് നിങ്ങളോട് പറയുന്നു: ആകാശവും ഭൂമിയും ഒഴിഞ്ഞുപോകുന്നത് വരെ സകലവും നിവൃത്തിയാകുന്നത് വരെ ന്യായപ്രമാണത്തില് നിന്നും ഒരു വള്ളിയോ പുള്ളിയോ ഒരിക്കലും ഒഴിഞ്ഞുപോകുകയില്ല.
Mat 5:18 For verily I say unto you, Till heaven and earth pass, one jotG2503 or one tittleG2762 shall in no wise pass from the law, till all be fulfilled.
ഇവിടെ വള്ളി എന്ന് പരിഭാഷപ്പെടുത്തിയിരിക്കുന്ന ഗ്രീക്ക് വാക്ക് ἰῶτα ആണ് (അയോട്ട, ee-o'-tah, സ്ട്രോങ്സ് നിഘണ്ടുവിൽ G2503). ഈ വാക്ക് ഹീബ്രു അക്ഷരമാലയിലെ പത്താമത്തെ അക്ഷരമായ യോദിനെയാണ് (י) സൂചിപ്പിക്കുന്നത്. ഈ അക്ഷരം ഇല്ലാതെ യഹോവ (יהוה) എന്ന് പോലും എഴുതുവാൻ കഴിയില്ല. പുള്ളി എന്ന് പരിഭാഷപ്പെടുത്തിയിരിക്കുന്നത് κεραία (കെരായ, ker-ah'-yah, സ്ട്രോങ്സ് നിഘണ്ടുവിൽ G2762). ഈ വാക്ക് അക്ഷരങ്ങളുടെ വാലുകളെയാണ് സൂചിപ്പിക്കുന്നത് - ൾ, ശ എന്നീ അക്ഷരങ്ങളെ വ്യത്യസ്തങ്ങളാക്കുന്നത് ൾ എന്ന അക്ഷരത്തിൻറെ മുകളിലെ വാലാണല്ലോ? അതുപോലെ ഹീബ്രുവിലെ ബേത് (ב) കാഫ് (כ) എന്നീ അക്ഷരങ്ങളെ വ്യത്യസ്തങ്ങളാക്കുന്നത് ബേതിൻറെ ചുവട്ടിലെ വാലാണ്. (ചിത്രം കാണുക.)
ന്യായപ്രമാണത്തിൽ 613 കൽപനകളുണ്ട്.
- ഇവയിൽ പൌരോഹിത്യം, ബലികൾ, പെരുന്നാളുകൾ മുതലായ കാര്യങ്ങളെ സംബന്ധിച്ച കൽപനകളാണ് 35%. ദേവാലയം ഇല്ലാത്തതിനാൽ ഇവയോന്നും ഇപ്പോൾ പ്രാവർത്തികമല്ല എന്ന് യെഹൂദർ പോലും സമ്മതിക്കുന്നു.
- ഭക്ഷണപരമായ നിബന്ധനകൾ ഭൂരിഭാഗം ക്രൈസ്തവരും പാലിക്കുന്നില്ല.
- മൊത്തത്തിൽ 83.2% കൽപനകളും കാലഹരണപ്പെട്ടു എന്ന് ന്യായപ്രമാണത്തിൻറെ വക്താക്കൾ തന്നെ അംഗീകരിക്കുന്നു.
ന്യായപ്രമാണം പൂർണ്ണമായും നിവൃത്തിയാകുന്നത് വരെ അതിൽനിന്നും ഒരു വള്ളിയോ, പുള്ളിയോ ഒഴിഞ്ഞുപോകുകയില്ല എന്നാണ് യേശു പറഞ്ഞത്. 83.2% വെറും വള്ളിയോ, പുള്ളിയോ ആണോ? ക്രിസ്തുവിൽ പ്രിയരേ, നിസ്സാരമായ വള്ളിയും പുള്ളിയും പോലും ഒഴിഞ്ഞുപോവില്ല എന്ന് യേശു പറഞ്ഞു, പക്ഷേ, ഭീമഭാഗവും ഒഴിഞ്ഞുപോയിരിക്കുന്നു എന്ന് ന്യായപ്രമാണത്തിൻറെ വക്താക്കൾ തന്നെ അംഗീകരിക്കുമ്പോൾ ന്യായപ്രമാണം നിവൃത്തിയായി, ഒഴിഞ്ഞുപോയി എന്നതിൽ സംശയമേ വേണ്ട. ദൈവം ഒന്നേയുള്ളൂ എന്നതുപോലെയുള്ള കൽപനകൾ മാത്രം ഒരിക്കലും ഒഴിഞ്ഞുപോവില്ല.
മത്താ 5:18ൽ ന്യായപ്രമാണം ഒഴിഞ്ഞുപോകുന്നതിന് മുമ്പ് എന്തെല്ലാം സംഭവിക്കണം എന്ന് പറഞ്ഞ യേശു, അതിന് മുമ്പ് പറഞ്ഞ കാര്യങ്ങൾ ആരും പരിഗണിക്കാറില്ല:
മത്താ 5:17 ഞാന് ന്യായപ്രമാണത്തെയോ പ്രവാചകരെയോ നീക്കുവാന് വന്നു എന്ന് കരുതരുത്; നീക്കുവാന് അല്ല നിവര്ത്തിക്കുവാനാണ് ഞാന് വന്നത്.യേശുവിൻറെ ജനനത്തിൻറെ ദൌത്യം അല്ലെങ്കിൽ ലക്ഷ്യം ന്യായപ്രമാണത്തെയും പ്രവാചക വചനങ്ങളെയും പൂർത്തിയാക്കുക എന്നതായിരുന്നു. അവിടന്ന് രണ്ടാമത് വന്ന് അവ പൂർത്തിയാക്കുമെന്നോ, അവ പൂർത്തിയാക്കുന്നതിൽ ആരുടെയെങ്കിലും സഹായം വേണമെന്നോ അവിടന്ന് പറഞ്ഞിട്ടില്ല. അവിടന്ന് തൻറെ ദൌത്യത്തിൽ പരാജയപ്പെട്ടോ? പരാജയപ്പെട്ടെന്ന് പറയുന്ന ക്രൈസ്തവൻ ക്രൈസ്തവനല്ല, അവിശ്വാസിയാണ്.
ന്യായപ്രമാണം തന്നെയാണ് ആകാശവും ഭൂമിയും!
എന്തേ, വിശ്വാസം വരുന്നില്ലേ? ഈ വേദഭാഗം മനസ്സിരുത്തി വായിച്ചോളൂ:
ആവ 31:25 മോശെ യഹോവയുടെ നിയമപെട്ടകം ചുമക്കുന്ന ലേവ്യരോട് കല്പിച്ചത് എന്തെന്നാല്:
ആവ 31:26 ഈ ന്യായപ്രമാണ പുസ്തകം എടുത്ത് നിങ്ങളുടെ ദൈവമായ യഹോവയുടെ നിയമപെട്ടകത്തിന് അരികെ വെക്കുവിന്, അവിടെ അത് (ന്യായപ്രമാണ പുസ്തകം) നിങ്ങളുടെ നേരെ സാക്ഷിയായിരിക്കും.
ആവ 31:27 നിങ്ങളുടെ മത്സരസ്വഭാവവും ദുശ്ശാഠ്യവും എനിക്ക് അറിയാം; ഇതാ, ഇന്ന് ഞാന് നിങ്ങളോട് കൂടെ ജീവിച്ചിരിക്കുമ്പോള് തന്നേ നിങ്ങള് യഹോവയോട് മത്സരിക്കുന്നു? എന്റെ മരണ ശേഷം നിങ്ങൾ എത്രയധികം മത്സരിക്കില്ല?ആവ 31:26ൽ ന്യായപ്രമാണ പുസ്തകം നിങ്ങൾക്ക് നേരെ സാക്ഷിയായിരിക്കും എന്ന് പറഞ്ഞ ശേഷം, ആവ 31:28ൽ ആകാശത്തെയും ഭൂമിയെയും സാക്ഷിവെക്കും എന്ന് പറഞ്ഞതിലൂടെ മോശെ ന്യായപ്രമാണവും, ആകാശവും ഭൂമിയും ഒന്നുതന്നെയാണെന്നല്ലേ സൂചിപ്പിക്കുന്നത്?
ആവ 31:28 നിങ്ങളുടെ ഗോത്രങ്ങളുടെ എല്ലാ മൂപ്പന്മാരെയും പ്രമാണികളെയും എന്റെ അടുത്ത് വിളിച്ചുകൂട്ടുവിന്, എന്നാല് ഞാന് ഈ വചനങ്ങള് അവരെ പറഞ്ഞുകേള്പ്പിച്ച് അവരുടെ നേരെ ആകാശത്തെയും ഭൂമിയെയും സാക്ഷിവെക്കും.
യഹോവയുടെ കല്പനകളും ചട്ടങ്ങളും വിധികളുമാണ് ആകാശവും ഭൂമിയുമെന്ന് ആവ 30:16, ആവ 30:19 എന്നീ വചനങ്ങൾ ചേർത്തുവായിച്ചാൽ മനസ്സിലാകും.
ഉള്ളത് പറഞ്ഞാൽ മുട്ടായുക്തികൾ എനിക്കും ഇഷ്ടമാണ്, അതുകൊണ്ടുതന്നെ “ആദിയിൽ ദൈവം ആകാശവും ഭൂമിയും സൃഷ്ടിച്ചു” എന്ന് എഴുതപ്പെട്ടിരിക്കുന്നതിന് “ആദിയിൽ ദൈവം ന്യായപ്രമാണം സൃഷ്ടിച്ചു” എന്നാണോ അർത്ഥം എന്ന് ആരെങ്കിലും ചോദിച്ചാൽ ഉത്തരം പറയുവാൻ ഞാൻ എന്നെത്തന്നെ സജ്ജനാക്കുകയാണ്. ചോദ്യം വരട്ടെ, അപ്പോൾ കാണാം.
ക്രിസ്തുവിൽ,
ടോംസാൻ കട്ടക്കൽ.
No comments:
Post a Comment