ക്രിസ്തുവിൽ പ്രിയരെ,
ഈ പരമ്പരയുടെ ഇതിന് മുമ്പുള്ള ഭാഗങ്ങൾ വായിക്കാത്തവരെ ഈ ലേഖനം നിരാശപ്പെടുത്തും. ആയിരമാണ്ട് വാഴ്ചയുടെ സ്വഭാവം മനസ്സിലാക്കാത്തവർക്ക് അത് അക്ഷരാർത്ഥത്തിൽ ആയിരം വർഷമല്ല, വളരെ ചുരുങ്ങിയ ഒരു കാലമാണ് എന്ന തിരിച്ചറിവ് ഞെട്ടലുണ്ടാക്കും. ആയിരമാണ്ട് വാഴ്ച ഭൂമിയെ പരദീസയാക്കും, പൂങ്കാവനമാക്കും എന്നൊക്കെയുള്ള മനുഷ്യരുടെ ഭാവനാവിലാസങ്ങൾ കേട്ട് മതിമയങ്ങിയവർക്ക് ഈ ലേഖനം വേദവചങ്ങളെ വളച്ചൊടിക്കുന്നതായി തോന്നും. അതുകൊണ്ട് ഇത് വായിക്കുന്നതിന് മുമ്പ് ഒന്നും രണ്ടും മൂന്നും ഭാഗങ്ങൾ വായിച്ചു എന്ന് ഉറപ്പുവരുത്തുക.
ആയിരം വർഷത്തിൻറെ ആരംഭം.
ആയിരമാണ്ട് വാഴ്ച തുടങ്ങുന്നതിന് മുമ്പ് സാത്താൻ ബന്ധിക്കപ്പെടണം (വെളി 20:1, 2). നമുക്ക് ചുറ്റിലും നടക്കുന്ന യുദ്ധങ്ങളും, കലാപങ്ങളും, അന്യായവും, പ്രകൃതിക്ഷോഭങ്ങളും കാണുമ്പോൾ പലരും ചോദിക്കും സാത്താൻ ബന്ധിക്കപ്പെട്ടോ? യുദ്ധങ്ങളും, കലാപങ്ങളും, അന്യായവും, പ്രകൃതിക്ഷോഭങ്ങളും സാത്താൻ അല്ലെങ്കിൽ പിശാച് ഉണ്ടാക്കുന്നതാണെന്ന് വേദപുസ്തകത്തിൽ എഴുതിയിട്ടില്ല.
അൽപം വിവേചനബുദ്ധിയോടെ വായിച്ചാൽ സാത്താനെ ബന്ധിക്കപ്പെട്ടു എന്ന് മത്തായിയുടെ സുവിശേഷത്തിലെ സാത്താനെ പറ്റിയുള്ള രണ്ടാമത്തെ പരാമർശത്തിൽ കാണുവാൻ കഴിയും. [ബന്ധിക്കുക എന്നതിനുള്ള ഗ്രീക്ക് വാക്ക്: δέω (deh'-o, ഡിയോ, സ്ട്രോങ്സ് നിഘണ്ടുവിൽ G1210)].
സംഗതിയൊക്കെ ശരിയാണ്, പക്ഷേ ... ശരിയാണ്, നിങ്ങൾ പ്രതീക്ഷിച്ചിരുന്ന നാടകീയത ഈ രംഗത്തിനില്ല, അല്ലേ? കാരണം വളരെ ലളിതമാണ്, നമ്മളെ പഠിപ്പിച്ചുവെച്ചിരിക്കുന്ന സാത്താൻ കറുപ്പ് നിറവും, ചുവന്ന കണ്ണുകളും, പിളർന്ന വാലുമുള്ള ത്രിശൂലം പിടിച്ചിരിക്കുന്ന ഭീകരമൂർത്തിയാണ്. ഇവിടെ അങ്ങനെ ഒരു ഭീകരമൂർത്തിയെ കാണുവാൻ കഴിയുന്നില്ല, അല്ലേ?
വെളിപ്പാട് പുസ്തകം പ്രതീകാത്മകമായി എഴുതപ്പെട്ടതാണ്. അതിൽ പുതിയനിയമത്തിലെ പല വേദഭാഗങ്ങളുടെയും സമാന്തരങ്ങളുണ്ട്. അത്തരം സമാന്തരങ്ങളെ നമുക്ക് കാണിച്ചുതരാതെ വേദവചനങ്ങൾ ഗുളികകൾ പോലെ വിഴുങ്ങാനുള്ളവയാണെന്ന് നമ്മെ പഠിപ്പിച്ചുതന്ന ഉപദേശിമാരും അച്ചന്മാരും വെളിപ്പാട് പുസ്തകത്തിൻറെ ലാളിത്യവും സൌന്ദര്യവും കാണുന്നതിൽ നിന്നും നമ്മെ തടഞ്ഞു.
സാത്താൻ ആരുതന്നെയായാലും എന്തുതന്നെയായാലും, യേശുവിൻറെ ഭൂമിയിലെ ശുശ്രൂഷയുടെ ആരംഭത്തിൽ തന്നെ സാത്താൻ ബന്ധിക്കപ്പെട്ടു.
സാത്താൻ ബന്ധിക്കപ്പെട്ടെങ്കിൽ പിന്നെ എങ്ങനെ യൂദാസിൻറെ ഉള്ളിൽ കയറി, പൌലോസിന് തടസ്സമുണ്ടാക്കി, അലറുന്ന സിംഹത്തെ പോലെ ചുറ്റിനടക്കുന്നു എന്നിങ്ങനെ നിരവധി ചോദ്യങ്ങൾ നിങ്ങളുടെ ഉള്ളിൽ ഉയരുന്നുണ്ടാവാം, ഉയരണം. നിങ്ങളുടെ എല്ലാ ചോദ്യങ്ങൾക്കും ഉത്തരം ഒരു A4 സൈസ് പേജിൽ എഴുതിത്തരണം എന്ന് എനിക്കും ആഗ്രഹമുണ്ട്. ഈ ചോദ്യങ്ങളിൽ ചിലതിനെല്ലാം ഉത്തരം എഴുതിയിട്ടുണ്ട്. ഇനിയും വളരെയധികം എഴുതുവാനുമുണ്ട്. കർത്താവ് ആരോഗ്യം മാത്രം തന്നാൽ അവയൊക്കെ എഴുതാം.
ലേവ്യരോടും പുരോഹിതരോടും താൻ ഏലീയാവ് അല്ല എന്ന് സ്നാപക യോഹന്നാൻ പറഞ്ഞതിൻറെ അടിസ്ഥാനത്തിൽ (യോഹ 1:21) യേശു ആണ് എന്ന് രണ്ട് തവണ പറഞ്ഞതിനെ നിരാകരിക്കുന്ന വേദപണ്ഡിതന്മാർ എന്തുകൊണ്ടും തികഞ്ഞ ദൈവഭക്തന്മാർ തന്നെ, സംശയമേയില്ല! ഇത്തരം വേദപണ്ഡിതന്മാരോടും ദൈവഭക്തന്മാരോടും ഒരു സംശയം ചോദിച്ചോട്ടേ? യെഹൂദരുടെ കൂടാരപ്പെരുന്നാളിന് തൻറെ സമയം ഇനിയും വരാത്തതിനാൽ താൻ വരുന്നില്ല എന്ന് പറഞ്ഞ യേശു എന്തുകൊണ്ട് രഹസ്യമായി കൂടാരപ്പെരുന്നാളിൽ പങ്കെടുത്തു? (യോഹ 7:2-10) അങ്ങനെയൊരു സംഭവം ശ്രദ്ധിച്ചിട്ടില്ല, അല്ലേ?
ശരിതന്നെ, ഏലീയാവ് വന്നു എന്നുതന്നെയിരിക്കട്ടെ, കർത്താവിൻറെ ദിവസം ഉടനെ വരണമെന്നുണ്ടോ? വളരെ യുക്തിയുക്തം എന്ന് തോന്നാവുന്ന ഒരു ചോദ്യമാണിത്. മലാഖി 4:6ൽ “മുമ്പ്” എന്ന് പരിഭാഷപ്പെടുത്തിയിരിക്കുന്ന ഹീബ്രൂ വാക്ക് פָּנִים (paw-neem', പൌനീം, സ്ട്രോങ്സ് നിഘണ്ടുവിൽ H6440), മുമ്പ്, മുന്നിൽ/മുമ്പിൽ, പ്രതലം, സന്നിധി എന്നിങ്ങനെ പല അർത്ഥങ്ങളുള്ള ഒരു വാക്കാണ്. എന്തെങ്കിലും സംഭവിക്കുന്നതിന് മുമ്പ് എന്ന അർത്ഥത്തിൽ ഈ വാക്ക് വളരെ അപൂർവമായേ ഉപയോഗിക്കപ്പെട്ടിട്ടുള്ളു, അതിൽ അധികവും സദൃശവാക്യങ്ങളിലാണ്.
ഒരു സംഭവവും അതിന് മുമ്പ് നടക്കണം എന്ന് പറയപ്പെടുന്ന സംഭവവുമായി അനിശ്ചിതവും അനന്തവുമായ അന്തരം ഉണ്ടാകുമെന്ന അർത്ഥം നൽകുന്ന വചനങ്ങൾ ഇല്ല.വെളി 20:2 അവന്‍ (ദൂതന്‍) പിശാചും സാത്താനും എന്നുള്ള പഴയ പാമ്പായ മഹാസര്‍പ്പത്തെ പിടിച്ചു ആയിരം ആണ്ടുകള്‍ വരെ ബന്ധിച്ചു.പിശാചുബാധ നിമിത്തം അന്ധനും മൂകനുമായ ഒരാളെ യേശു സുഖപ്പെടുത്തിയതും അത് കണ്ടുനിന്ന പരീശർ അവിടന്ന് ഭൂതങ്ങളുടെ തലവനായ ബെയെത്സെബൂലിനെക്കൊണ്ടാണ് ഭൂതങ്ങളെ ഒഴിക്കുന്നത് എന്ന് ആരോപിക്കുന്നതാണ് മത്തായിയുടെ സുവിശേഷത്തിലെ സന്ദർഭം.
Rev 20:2 And he laid hold on the dragon, that old serpent, which is the Devil, and Satan, and boundG1210 him a thousand years,
മത്താ 12:26 ... സാത്താന്‍ സാത്താനെ പുറത്താക്കുന്നെങ്കില്‍ അവന്‍ സ്വയം വിഘടിച്ചിരിക്കുന്നു; പിന്നെ അവന്‍റെ രാജ്യം എങ്ങനെ നിലനില്‍ക്കും?ഇവിടെ ബലവാൻ എന്നതിനാൽ ഉദ്ദേശിക്കുന്നത് സാത്താനെ ആണെന്നത് വ്യക്തമാണ്. ബലവാനെ ബന്ധിച്ചാലല്ലാതെ അവൻറെ വീട്ടിൽ കടന്ന് അവൻറെ വസ്തുക്കൾ അപഹരിക്കുവാൻ കഴിയില്ല എന്ന് പറയുന്നതിന് മുമ്പ് യേശു എന്താണ് ചെയ്തത്? അവൻറെ വീട്ടിൽ കടന്ന് അവൻറെ പിടിയിൽ ഉണ്ടായിരുന്ന അന്ധനും മൂകനുമായ മനുഷ്യനെ വിമോചിപ്പിച്ചു. അതായത്, അവൻറെ വസ്തുക്കൾ അപഹരിച്ചു! അതിൻറെ അർത്ഥം: സാത്താൻ ബന്ധിക്കപ്പെട്ടിരിക്കുന്നു!
Mat 12:26 And if Satan cast out Satan, he is divided against himself; how shall then his kingdom stand?
മത്താ 12:29 ബലവാനെ ബന്ധിച്ചാലല്ലാതെ ബലവാന്‍റെ വീട്ടില്‍ കടന്ന് അവന്‍റെ വസ്തുക്കൾ കവരുവാൻ കഴിയുമോ? ബന്ധിച്ചാൽ പിന്നെ അവന്‍റെ വീട് കവര്‍ച്ചചെയ്യാം.
Mat 12:29 Or else how can one enter into a strong man's house, and spoil his goods, except he first bindG1210 the strong man? and then he will spoil his house.
സംഗതിയൊക്കെ ശരിയാണ്, പക്ഷേ ... ശരിയാണ്, നിങ്ങൾ പ്രതീക്ഷിച്ചിരുന്ന നാടകീയത ഈ രംഗത്തിനില്ല, അല്ലേ? കാരണം വളരെ ലളിതമാണ്, നമ്മളെ പഠിപ്പിച്ചുവെച്ചിരിക്കുന്ന സാത്താൻ കറുപ്പ് നിറവും, ചുവന്ന കണ്ണുകളും, പിളർന്ന വാലുമുള്ള ത്രിശൂലം പിടിച്ചിരിക്കുന്ന ഭീകരമൂർത്തിയാണ്. ഇവിടെ അങ്ങനെ ഒരു ഭീകരമൂർത്തിയെ കാണുവാൻ കഴിയുന്നില്ല, അല്ലേ?
വെളിപ്പാട് പുസ്തകം പ്രതീകാത്മകമായി എഴുതപ്പെട്ടതാണ്. അതിൽ പുതിയനിയമത്തിലെ പല വേദഭാഗങ്ങളുടെയും സമാന്തരങ്ങളുണ്ട്. അത്തരം സമാന്തരങ്ങളെ നമുക്ക് കാണിച്ചുതരാതെ വേദവചനങ്ങൾ ഗുളികകൾ പോലെ വിഴുങ്ങാനുള്ളവയാണെന്ന് നമ്മെ പഠിപ്പിച്ചുതന്ന ഉപദേശിമാരും അച്ചന്മാരും വെളിപ്പാട് പുസ്തകത്തിൻറെ ലാളിത്യവും സൌന്ദര്യവും കാണുന്നതിൽ നിന്നും നമ്മെ തടഞ്ഞു.
സാത്താൻ ആരുതന്നെയായാലും എന്തുതന്നെയായാലും, യേശുവിൻറെ ഭൂമിയിലെ ശുശ്രൂഷയുടെ ആരംഭത്തിൽ തന്നെ സാത്താൻ ബന്ധിക്കപ്പെട്ടു.
സാത്താൻ ബന്ധിക്കപ്പെട്ടെങ്കിൽ പിന്നെ എങ്ങനെ യൂദാസിൻറെ ഉള്ളിൽ കയറി, പൌലോസിന് തടസ്സമുണ്ടാക്കി, അലറുന്ന സിംഹത്തെ പോലെ ചുറ്റിനടക്കുന്നു എന്നിങ്ങനെ നിരവധി ചോദ്യങ്ങൾ നിങ്ങളുടെ ഉള്ളിൽ ഉയരുന്നുണ്ടാവാം, ഉയരണം. നിങ്ങളുടെ എല്ലാ ചോദ്യങ്ങൾക്കും ഉത്തരം ഒരു A4 സൈസ് പേജിൽ എഴുതിത്തരണം എന്ന് എനിക്കും ആഗ്രഹമുണ്ട്. ഈ ചോദ്യങ്ങളിൽ ചിലതിനെല്ലാം ഉത്തരം എഴുതിയിട്ടുണ്ട്. ഇനിയും വളരെയധികം എഴുതുവാനുമുണ്ട്. കർത്താവ് ആരോഗ്യം മാത്രം തന്നാൽ അവയൊക്കെ എഴുതാം.
കർത്താവിൻറെ ദിവസം വരേണ്ട കാലത്തെ പറ്റി മലാഖി.
മലാ 3:5 യഹോവയുടെ വലിയതും ഭയങ്കരവുമായ നാള്‍ വരുന്നതിന് മുമ്പ് ഞാന്‍ നിങ്ങള്‍ക്ക് ഏലീയാവ് പ്രവാചകനെ അയയ്ക്കും.അതായത് ഏലീയാവ് വന്നാൽ ഏത് നിമിഷവും കർത്താവിൻറെ ദിവസം (ആയിരമാണ്ട്) ആരംഭിക്കാം. ഏലീയാവ് വന്നു എന്ന് യേശു രണ്ട് തവണ പ്രസ്താവിച്ചിട്ടുണ്ട്.
മലാ 3:6 ഞാന്‍ വന്ന് ഭൂമിയെ ശാപത്താല്‍ നശിപ്പിക്കാതിരിക്കുവാന്‍ അവന്‍ അപ്പന്മാരുടെ ഹൃദയം മക്കളിലേയ്ക്കും മക്കളുടെ ഹൃദയം അപ്പന്മാരിലേയ്ക്കും തിരിക്കും.
①
മത്താ 11:13 സകല പ്രവാചകരും ന്യായപ്രമാണവും യോഹന്നാന്‍ വരെ പ്രവചിച്ചു.
മത്താ 11:14 നിങ്ങള്‍ക്ക് സ്വീകരിക്കുവാന്‍ മനസ്സുണ്ടെങ്കില്‍ വരുവാനുള്ള ഏലീയാവ് അവന്‍ തന്നേ.
മത്താ 11:15 കേള്‍ക്കുവാന്‍ ചെവിയുള്ളവര്‍ കേള്‍ക്കട്ടെ.
②
മത്താ 17:10 ശിഷ്യന്മാര്‍ അവിടത്തോട്: ആദ്യം ഏലീയാവ് വരേണം എന്ന് ശാസ്ത്രിമാര്‍ പറയുന്നത് എന്തുകൊണ്ട്? എന്ന് ചോദിച്ചു.ഏലീയാവ് യോഹന്നാൻ സ്നാപകൻ തന്നെയാണ് എന്ന് പറഞ്ഞ ശേഷം, "കേള്‍ക്കുവാന്‍ ചെവിയുള്ളവര്‍ കേള്‍ക്കട്ടെ" എന്ന് യേശു പറഞ്ഞതിന് കാരണം അറിയാമോ? ഭൂരിപക്ഷം ക്രൈസ്തവർക്കും കേൾക്കുവാൻ ചെവി ഉണ്ടാവില്ല എന്ന് അവിടത്തേക്ക് അറിയാമായിരുന്നു. ഈ വചനം ഹൈന്ദവ വിശ്വാസമായ പുനർജന്മം പോലെയാണ് അതുകൊണ്ട് എന്ത് വിലകൊടുത്തും യേശു പറഞ്ഞതല്ല അതിൻറെ അർത്ഥം എന്ന് തെളിയിക്കുവാൻ പെടാപ്പാടുപെടുന്ന യേശുവിൻറെ വിശ്വസ്ത സേവകന്മാർ ഉയർന്നുവരും എന്ന് ദൈവപുത്രന് മുൻകൂട്ടി കാണുവാൻ കഴിയില്ലേ?
മത്താ 17:11 അതിന് അവിടന്ന്: ഏലീയാവ് വന്ന് സകലവും പുനഃസ്ഥാപിക്കും സത്യം.
മത്താ 17:12 എന്നാല്‍, ഏലീയാവ് വന്നുകഴിഞ്ഞു (ഭൂതകാലം) എന്ന് ഞാന്‍ നിങ്ങളോട് പറയുന്നു; എങ്കിലും അവര്‍ അവനെ തിരിച്ചറിയാതെ തങ്ങള്‍ക്ക് തോന്നിയതെല്ലാം അവനോട് ചെയ്തു. അതുപോലെ മനുഷ്യപുത്രനും അവരാല്‍ കഷ്ടപ്പെടുവാനുണ്ട് എന്ന് ഉത്തരം പറഞ്ഞു.
മത്താ 17:13 അവിടന്ന് യോഹന്നാന്‍ സ്നാപകനെ കുറിച്ചാണ് തങ്ങളോട് പറഞ്ഞത് എന്ന് ശിഷ്യന്മാര്‍ ഗ്രഹിച്ചു.
ലേവ്യരോടും പുരോഹിതരോടും താൻ ഏലീയാവ് അല്ല എന്ന് സ്നാപക യോഹന്നാൻ പറഞ്ഞതിൻറെ അടിസ്ഥാനത്തിൽ (യോഹ 1:21) യേശു ആണ് എന്ന് രണ്ട് തവണ പറഞ്ഞതിനെ നിരാകരിക്കുന്ന വേദപണ്ഡിതന്മാർ എന്തുകൊണ്ടും തികഞ്ഞ ദൈവഭക്തന്മാർ തന്നെ, സംശയമേയില്ല! ഇത്തരം വേദപണ്ഡിതന്മാരോടും ദൈവഭക്തന്മാരോടും ഒരു സംശയം ചോദിച്ചോട്ടേ? യെഹൂദരുടെ കൂടാരപ്പെരുന്നാളിന് തൻറെ സമയം ഇനിയും വരാത്തതിനാൽ താൻ വരുന്നില്ല എന്ന് പറഞ്ഞ യേശു എന്തുകൊണ്ട് രഹസ്യമായി കൂടാരപ്പെരുന്നാളിൽ പങ്കെടുത്തു? (യോഹ 7:2-10) അങ്ങനെയൊരു സംഭവം ശ്രദ്ധിച്ചിട്ടില്ല, അല്ലേ?
ശരിതന്നെ, ഏലീയാവ് വന്നു എന്നുതന്നെയിരിക്കട്ടെ, കർത്താവിൻറെ ദിവസം ഉടനെ വരണമെന്നുണ്ടോ? വളരെ യുക്തിയുക്തം എന്ന് തോന്നാവുന്ന ഒരു ചോദ്യമാണിത്. മലാഖി 4:6ൽ “മുമ്പ്” എന്ന് പരിഭാഷപ്പെടുത്തിയിരിക്കുന്ന ഹീബ്രൂ വാക്ക് פָּנִים (paw-neem', പൌനീം, സ്ട്രോങ്സ് നിഘണ്ടുവിൽ H6440), മുമ്പ്, മുന്നിൽ/മുമ്പിൽ, പ്രതലം, സന്നിധി എന്നിങ്ങനെ പല അർത്ഥങ്ങളുള്ള ഒരു വാക്കാണ്. എന്തെങ്കിലും സംഭവിക്കുന്നതിന് മുമ്പ് എന്ന അർത്ഥത്തിൽ ഈ വാക്ക് വളരെ അപൂർവമായേ ഉപയോഗിക്കപ്പെട്ടിട്ടുള്ളു, അതിൽ അധികവും സദൃശവാക്യങ്ങളിലാണ്.
സദൃ 16:18 നാശത്തിന് മുമ്പ് ഗര്‍വം; വീഴ്ചയ്ക്ക് മുമ്പ് ഉന്നതഭാവം.
ഗര്‍വവും ഉന്നതഭാവവും വച്ചുപുലർത്തിക്കോളൂ, 2000+ വർഷം കഴിഞ്ഞല്ലേ നാശവും വീഴ്ചയും സംഭവിക്കൂ!സദൃ 18:12 നാശത്തിന് മുമ്പ് മനുഷ്യന്‍റെ ഹൃദയം നിഗളിക്കുന്നു; മാനത്തിന് മുമ്പ് താഴ്മ.
നിഗളിച്ചോളൂ, നാശം നിങ്ങൾ കൽപിക്കുമ്പോൾ മാത്രമല്ലേ സംഭവിക്കൂ?
ആയിരം വർഷം എന്ന പേര് എന്തിന്?
യേശുവിൻറെ ജനനം ചരിത്രത്തെ ക്രിസ്തുവിന് മുമ്പ് (കി.മു., BC), ക്രിസ്തുവിന് പിമ്പ് (കി.പി., AD) എന്ന് രണ്ടായി വിഭജിച്ചു എന്ന് പറയാറില്ലേ? അതുപോലെ, ക്രിസ്തുവിൻറെ സ്വർഗാരോഹണം അല്ലെങ്കിൽ പെന്തക്കൊസ്ത മുതൽ യെരൂശലേമിൻറെ നാശം വരെയുള്ള കാലം സഭാചരിത്രത്തിലെ സംഭവബഹുലമായ ഒരു സംക്രമണകാലം (transition period) ആയിരുന്നു. നല്ലതും ചീത്തയുമായ വളരെയധികം കാര്യങ്ങൾ ആ കാലഘട്ടത്തിൽ നടന്നു.
- സുവിശേഷം അക്കാലത്താണ് ലോകത്തിൽ എല്ലായിടത്തും എത്തിച്ചേർന്നത്.
- പുതിയനിയമ പുസ്തകങ്ങൾ എഴുതപ്പെട്ടത്.
- യിസ്രായേലിലെ ശേഷിപ്പ് രക്ഷിക്കപ്പെട്ടത് അക്കാലത്താണ്.
- ക്രൈസ്തവർ ദൈവപുത്രന്മാരായി അംഗീകരിക്കപ്പെട്ടത്.
- ക്രൈസ്തവർക്കും, യെഹൂദർക്കും ഉപദ്രവങ്ങൾ ഉണ്ടായത്,
- ഒടുവിൽ യെഹൂദരുടെ മതവും, സമ്പദ്‍വ്യവസ്ഥയും, ദേശവും, ദേവാലയവും നാശമായത്...
2പത്രോ 3:8-10നെ പറ്റിയുള്ള ലേഖനത്തിൽ കണ്ടതുപോലെ, അസഹനീയമായ ഒരു കാലം എന്ന് സൂചിപ്പിക്കുവാനാകാം ആയിരമാണ്ട് എന്ന സംജ്ഞ ഉപയോഗിച്ചത്.
വെളി 20:9ൽ പരാമർശിക്കപ്പെട്ടിരിക്കുന്ന പ്രിയ നഗരം യിസ്രായേൽ ദേശത്തിൻറെ തലസ്ഥാനമായ യെരൂശലേം അല്ല എന്ന് തെളിയിക്കുവാൻ കഴിയാത്തിടത്തോളം കാലം, ജാതികൾ വില്ലും അമ്പും വാളുമായി വന്ന് യെരൂശലേമിനെ വളയും എന്ന് തെളിയിക്കുവാൻ കഴിയാത്തിടത്തോളം കാലം, കി.പി.70ൽ നടന്ന കാര്യങ്ങൾ തന്നെയാണ് വെളിപ്പാട് 20ൽ വിവരിച്ചിരിക്കുന്നത്. ജാതികൾ ഉപരോധം ഏർപ്പെടുന്നതിന് മുമ്പുതന്നെ ആയിരമാണ്ട് വാഴ്ച അവസാനിച്ചു. ആ കാലഘട്ടത്തിൽ നിന്നും പുറകോട്ട് നോക്കിയാൽ സാത്താൻ ബന്ധിക്കപ്പെട്ടത് യേശുവിൻറെ ശുശ്രൂഷയുടെ ആരംഭത്തിലാണെന്ന് കാണാം. (മത്താ 12:26-29).
ഭവിതവാദത്തിൻറെ (Preterism) ഒരു മുഖവുര പോലും ഇനിയും ആയിട്ടില്ല. ആയിരമാണ്ട് വാഴ്ച ഒരു ചെറിയ കാലയളവാണ് എന്ന് ഇവിടെ സ്ഥാപിച്ചത് ഭവിതവാദത്തിന് എതിരായുള്ള ശക്തമായ ഒരു വാദഗതിയായി ചിലർ എടുക്കുവാൻ സാധ്യതയുണ്ട് എന്ന് അറിഞ്ഞുകൊണ്ടുതന്നെയാണ് ഇത്രയും എഴുതിയത്. ആയിരമാണ്ടിൽ എന്താണ് നടക്കുന്നത് എന്ന് വേദപുസ്തകത്തിൽ നിന്നും തെളിവ് നൽകിയിട്ടുണ്ട്. അത് വായിച്ചവർക്ക് തികച്ചും 1000 വർഷം വാഴ്ച നടന്നാൽ അത് എത്രമാത്രം കഠിനമായിരിക്കും എന്നത് മനസ്സിലാകും.
“അസാധ്യമായവയെല്ലാം നീക്കംചെയ്ത ശേഷം ബാക്കിയുള്ളത് എന്തുതന്നെയായിരുന്നാലും, അത് എത്രമാത്രം അസംഭവ്യമായിരുന്നാലും അതുതന്നെയായിരിക്കണം സത്യം എന്ന് എത്രയോ തവണ ഞാൻ നിങ്ങളോട് പറഞ്ഞിട്ടുണ്ട്?”
വെളി 20:9ൽ പരാമർശിക്കപ്പെട്ടിരിക്കുന്ന പ്രിയ നഗരം യിസ്രായേൽ ദേശത്തിൻറെ തലസ്ഥാനമായ യെരൂശലേം അല്ല എന്ന് തെളിയിക്കുവാൻ കഴിയാത്തിടത്തോളം കാലം, ജാതികൾ വില്ലും അമ്പും വാളുമായി വന്ന് യെരൂശലേമിനെ വളയും എന്ന് തെളിയിക്കുവാൻ കഴിയാത്തിടത്തോളം കാലം, കി.പി.70ൽ നടന്ന കാര്യങ്ങൾ തന്നെയാണ് വെളിപ്പാട് 20ൽ വിവരിച്ചിരിക്കുന്നത്. ജാതികൾ ഉപരോധം ഏർപ്പെടുന്നതിന് മുമ്പുതന്നെ ആയിരമാണ്ട് വാഴ്ച അവസാനിച്ചു. ആ കാലഘട്ടത്തിൽ നിന്നും പുറകോട്ട് നോക്കിയാൽ സാത്താൻ ബന്ധിക്കപ്പെട്ടത് യേശുവിൻറെ ശുശ്രൂഷയുടെ ആരംഭത്തിലാണെന്ന് കാണാം. (മത്താ 12:26-29).
ഭവിതവാദത്തിൻറെ (Preterism) ഒരു മുഖവുര പോലും ഇനിയും ആയിട്ടില്ല. ആയിരമാണ്ട് വാഴ്ച ഒരു ചെറിയ കാലയളവാണ് എന്ന് ഇവിടെ സ്ഥാപിച്ചത് ഭവിതവാദത്തിന് എതിരായുള്ള ശക്തമായ ഒരു വാദഗതിയായി ചിലർ എടുക്കുവാൻ സാധ്യതയുണ്ട് എന്ന് അറിഞ്ഞുകൊണ്ടുതന്നെയാണ് ഇത്രയും എഴുതിയത്. ആയിരമാണ്ടിൽ എന്താണ് നടക്കുന്നത് എന്ന് വേദപുസ്തകത്തിൽ നിന്നും തെളിവ് നൽകിയിട്ടുണ്ട്. അത് വായിച്ചവർക്ക് തികച്ചും 1000 വർഷം വാഴ്ച നടന്നാൽ അത് എത്രമാത്രം കഠിനമായിരിക്കും എന്നത് മനസ്സിലാകും.
“അസാധ്യമായവയെല്ലാം നീക്കംചെയ്ത ശേഷം ബാക്കിയുള്ളത് എന്തുതന്നെയായിരുന്നാലും, അത് എത്രമാത്രം അസംഭവ്യമായിരുന്നാലും അതുതന്നെയായിരിക്കണം സത്യം എന്ന് എത്രയോ തവണ ഞാൻ നിങ്ങളോട് പറഞ്ഞിട്ടുണ്ട്?”
~ഷെർലോക് ഹോംസ്
ക്രിസ്തുവിൽ,
ടോംസൻ കട്ടക്കൽ
എന്നെ ചീത്തവിളിക്കേണ്ടവർക്ക്: +919341960061, +919066322810 എന്നീ നമ്പറുകളിൽ വിളിക്കാം. ഒരു മിസ്ഡ് കോൾ തന്നാൽ മതി, ഞാൻ തിരിച്ചുവിളിച്ച് ചീത്ത കേൾക്കാം.
No comments:
Post a Comment